اسلام آباد ( مانیٹرنگ ڈیسک) ایم کیو ایم پاکستان کے اہم رہنما کامران ٹیسوری نے اپنا استعفیٰ فاروق ستا ر کو پیش کر دیا ۔کراچی میں پارٹی کے یوس تاسیس کے موقع پر خطاب کرتے ہوئے انہوں نے کہا کہ میں ایم کیو ایم چھوڑرہا ہوں اور فاروق ستار میرا استعفیٰ قبول کریں ۔انہوں نے مزید گفتگو کرتے ہوئے موقف اختیار کیا ہے کہ میں ایم کیو ایم کو بچانے کے لئے بہادر آباد والے
ساتھیوں کے پاس جا کر معافی مانگنے پر بھی تیار ہوں۔ یہ آج میرا آخری خطاب ہے، ایک ماہ سے میرا خاندان پریشان ہے۔ گھر والے پوچھتے ہیں آخر میں نے ایسا کیا کر دیا کہ پارٹی رہنما میرےخلاف ہیں، میں کئی راتوں سے سویا نہیں ہوں۔ مجھ سے کوئی غلطی ہو گئی ہو تو میں اپنے ساتھیوں سے معذرت خواہ ہوں۔واضح رہے کامران ٹیسوری سینٹ الیکشن بھی ہار گئے تھے۔
