اسلام آباد ( آن لائن ) پانامہ کیس نیب ریفرنسز میں سابق وزیراعظم نوازشریف کو بیٹوں اور سیاسی جانشینوں سمیت ملزم نامزد کر دیا گیا تفصیلات کے مطابق سپریم کورٹ کے حکم پرپانامہ کیس کے حوالے سے شریف خاندان کے خلاف ریفرنسز دائر کر نے کے حوالے سے چئیرمین نیب قمر زمان چوہدری کی زیر صدرات اہم اجلاس نیب ہیڈکوارٹر میں ہوا جس میں چئیر مین نیب کو پانامہ کیس اور شریف خاندان کی نیب کے سامنے عدم پیشی اور اس حوالے ہونے والی پیش رفت سے بھی آگاہ کیا گیا
معتبر ذرائع کے مطابق نیب ایگزیکٹو بورڈ نے پارک لین اپارٹمنٹ ،آفشور کمپنیوں ،عزیزیہ اسٹیل ملزکے ریفرنسز منظور کر لئے ہیں جس میں سابق وزیر اعظم نواز شریف اور ان کے بیٹوں حسن اور حسین نواز کو ملزم نامزد کیا گیا ہے اس حوالے سے ذرائع کا مذید کہنا تھاشریف خاندان کپٹین صفدر اور ان کی اہلیہ مریم نواز جبکہ وزیر خزانہ اسحاق ڈار کیخلاف آمدن سے زائد اثاثے بنانے پر ریفرنس کی منظوری دی گئی ہے اور مذکورہ بالا شخصیات کو ریفرنسز میں ملزم نامزد کیا گیا ہے گزشتہ روز نیب ایگزیکٹیو اجلاس میں 4ریفرنسز دائر کرنے کی منظوری دی گئی ہے ریفرنسز احتساب عدالتوں میں دائر ہونے کے بعد ملزمان کو طلب کیا جائے گا نیب اجلاس میں ریفرنسز کی منظوری کے حوالے سے آن لائن کے رابطے پر ترجمان نیب کی جانب سے روایتی انداز میں بات کرنے سے گریز کیا گیا ۔
