اسلام آباد (مانیٹرنگ ڈیسک) پاکستان سے چین میں مشکوک ترسیلات کا انکشاف ہوا ہے، تفصیلات کے مطابق گزشتہ 4 سال میں پاکستان سے چین کو 137 ارب روپے کی ترسیلات کا انکشاف ہو نے پر فنانشل ایکشن ٹاسک فورس اور دیگر عالمی ادارے بھی حرکت میں آ گئے ہیں۔ واضح رہے کہ پاکستان سے چین میں مشکوک ترسیلات کی جا رہی ہیں اور ان مشکوک ترسیلات پر پاکستانی انٹیلی جنس اداروں نے بھی تحقیقات شروع کر دی ہیں۔ پاکستان سے ہونے والی تقریباً 90 ارب کی ترسیلات مشکوک قرار پائی ہیں اس کے علاوہ بقیہ
رقوم کی تحقیقات کو دو حصوں میں تقسیم کر دیا گیا ہے۔ ایک حصہ مکمل طور پر قابل تحقیق جبکہ دوسرے حصے میں 50 ارب کی ترسیلات قابل کارروائی قرار پائی ہیں۔ اس طرح دوسرے حصے کی تحقیقات کے دوران متعلقہ افراد کوئی تسلی بخش جواب نہیں دے سکے۔ اس سلسلے میں عید کے بعد چند افراد کی گرفتاری بھی متوقع ہے۔ ان مشکوک ترسیلات میں ملوث افراد کے ایڈریس بھی جعلی نکلے۔ اس تمام تر صورتحال کے باوجود متعلقہ اداروں کا کہنا تھا کہ پاکستان کے اینٹی منی لانڈرنگ سسٹم کو مشکوک نہیں قرار دیا جا سکتا۔
