اسلام آباد(آئی این پی)وفاقی وزیر داخلہ احسن اقبال نے کہا ہے کہ نئی سیکیورٹی پالیسی پاکستان اور افغانستان کیلئے قابل قبول نہیں،پاکستان نے دہشت گردی کیخلاف سب سے زیادہ قربانیاں دیں،بھارت کی خطے میں بالادستی ناقابل قبول ہے،ہمیں اپنی دفاعی صلاحیت کومزیدمضبوط کرناہوگا،سیاسی وعسکری قیادت نے دفاعی ضروریات پرتبادلہ خیال کیا،جس ملک کی معیشت مضبوط نہیں اسکی دفاعی صلاحیت پراثرپڑتاہے،

سیاسی استحکام نہیں ہوگاتوبراہ راست اثرسیکیورٹی پرپڑتاہے،پاکستان اورچین کے درمیان خطے کے معاملے پرمکمل ہم آہنگی ہے ،عیدکے بعدوزیرخارجہ چین،روس اوریورپ کادورہ کرینگے، افغانستان میں سب سے زیادہ فوج امریکاکی ہے،پاکستان بھی افغانستان میں امن چاہتاہے۔بدھ کو ٹی وی انٹرویوز میں وزیرداخلہ نے کہا کہ سیاسی عدم استحکام والے ملک میں پالیسیاں کبھی کامیاب نہیں ہوتیں ، وزارت داخلہ چیلنج سمجھ کر قبول کی ہے اور اپنی تمام صلاحتیں بروئے کار لاؤں گا ،2013کے مقابلے میں 2017کا پاکستان بہت بہتر ہے ، ملک میں لوڈ شیڈنگ کی صورتحال میں بہت بہتری آئی ہے ۔انہوں نے کہا کہ ملک میں امن وامان کی صورتحال میں خاطر خواہ بہتری آئی ، گزشتہ دس سال کے مقابلے میں ملکی معیشت میں بہت ترقی ہوئی ہے ، سیاسی مخالفین 2018کے انتخابی نتائج سے خائف ہیں ، دھرنے کے باعث سی پیک منصوبہ 8مہینے کی تاخیر کا شکار ہوا ، دھرنوں اور لاک ڈاؤن کی دھمکیوں کے باعث سرمایہ کاری متاثر ہوئی ۔ احسن اقبال نے کہا کہ خیبرپختونخوا میں کرپشن اور چوری نظر انداز کی جا رہی ہے ، دوسروں کو طعنے دینے والوں کے اپنے گھر میں چراغ تلے اندھیرا ہے ، وزارت داخلہ میں جدید انداز میں کام ہورہا ہے ، گزشتہ چار سالوں میں دہشت گردی کے خلاف نمایاں کامیابیاں حاصل کیں ، نیشنل ایکشن پلان پر مزید توجہ کیساتھ کام کر رہے ہیں ، انتہا پسندی کی روک تھام کے لئے مذہبی رہنماؤں سے بات چیت کریں گے ،

وزارت داخلہ میں مشاورتی کونسل قائم کر رہے ہیں جس سے ترجیحات کا تعین کرنے میں معاونت ہوگی ۔ وزیرداخلہ نے کہا کہ دنیا میں اسلحے کی بجائے تعلیمی اور تکنیکی جنگیں لڑی جا رہی ہیں ، انتہا پسندی کی روک تھام کیلئے میڈیا بھی اپنا کردارادا کرے ، سیکیورٹی سے متعلق متعدد ملکوں سے باہمی تعاون جاری ہے ، پاکستان افغانستان میں ہر صورت امن کا خواہاں ہے ،

پاکستان نے دہشت گردی کے خلاف سب سے زیادہ قربانیاں دی ہیں ۔انہوں نے کہا کہ پاکستان کی خطے میں امن واستحکام کیلئے کوششیں ناقابل فراموش ہیں ، پاکستان تین دہائیوں سے لاکھوں افغان مہاجرین کی میزبانی کر رہا ہے ، 2045تک ہماری آبادی 35کروڑ تک بڑھنے کا امکان ہے ، اس کے مطابق ہمیں انتظامات اور پالیسی بنانی ہوں گی ۔ احسن اقبال نے کہا کہ کسی بھی ملک کی سب سے بڑی سیکیورٹی معیشت ہوتی ہے جبکہ معاشی ترقی کیلئے امن واستحکام ناگزیر ہے ،

ترقی کے فروغ کیلئے امن کا فروغ لازم وملزوم ہے ۔انہوں نے کہا کہ نئی سیکیورٹی پالیسی پاکستان اور افغانستان کیلئے قابل قبول نہیں، بھارت کی خطے میں بالادستی ناقابل قبول ہے ،ہمیں اپنی دفاعی صلاحیت کومزیدمضبوط کرناہوگا،سیاسی وعسکری قیادت نے دفاعی ضروریات پرتبادلہ خیال کیا۔ وزیرداخلہ نے کہا کہ جس ملک کی معیشت مضبوط نہیں اس کا دفاعی صلاحیت پراثرپڑتاہے،

ہم نے ملک کے استحکام کوبرقراراوریکجہتی کوفروغ دینا ہے۔پاکستان اورچین کے درمیان خطے کے معاملے پرمکمل ہم آہنگی ہے ،عیدکے بعدوزیرخارجہ چین،روس اوریورپ کادورہ کرینگے،اافغانستان میں سب سے زیادہ فوج امریکاکی ہے۔