اسلام آباد (مانیٹرنگ ڈیسک) سابق وزیراعظم میاں محمد نواز شریف کی صاحبزادی مریم نواز نے اپنے بیان میں کہا ہے کہ نواز شریف صادق، امین اور معصوم ہیں، انہوں نے کہا کہ جن لوگوں کو نواز شریف نے سب سے زیادہ محبت دی انہوں نے ہی ان کو دھوکا دیا۔ مریم نواز نے مزید کہا کہ شور پانامہ پر ہوا تھا مگر فیصلہ کسی اور بات پر ہوا، نواز شریف کو اپنے بیٹے کی کمپنی سے تنخواہ نہ لینے پر نا اہل کیا گیا۔ مریم نواز نے مزید
کہا کہ نواز شریف کے خلاف سازشیں کرنے والوں کو اللہ تعالی دیکھ رہے ہیں۔ مریم نوازکا کہنا تھا کہ کارکنان کا جذبہ دیکھ کر انہیں خوشی ہو ئی جلد ہی وہ این اے 120کی انتخابی مہم کے حوالے سے حلقے میں نظر آئیں گی، انہوں نے کارکنان سے اپنی والدہ کی صحت یابی کے لیے دعا کی اپیل بھی کی ہے۔ واضح رہے کہ سابق وزیراعظم نواز شریف نے نظرثانی کے لیے دوسری درخواست بھی سپریم کورٹ میں جمع کرا دی ہے۔
