اسلام آباد(مانیٹرنگ ڈیسک) نجی ٹی وی چینل کے پروگرام میں گفتگو کرتے ہوئے سینئر صحافی چوہدری غلام حسین نے کہا ہے کہ میاں نواز شریف کے دونوں صاحبزادے جو ہیں انہوں نے نیب کے معاملات ، مقدمات اور پیشیوں کو بھگتنے کیلئے پاکستان آنے سے ہی انکار کر دیا ہے، در اصل کلثوم نواز انہیں منانے کیلئے لندن گئی ہیں، دونوں بیٹے کہتے ہیں کہ ہم تو پاکستانی شہری ہیں ہی نہیں، ہم برطانوی شہری ہیں، اگرچہ وہ ابھی پاکستان کی شہریت رکھتے ہیں لیکن اپنا آپ بچانے کیلئے اب وہ برطانوی شہریت کا سہارا لے رہے ہیں،
حسن اور حسین نواز کا کہنا ہے کہ آپ جانیں اور آپ کا کام جانے ، ہم پاکستان نہیں آئیں گے۔ چوہدری غلام حسین نے کہا کہ ہمارے مصدقہ ذرائع نے اطلاع دی ہے کہ مریم نواز نے اپنے دونوں بھائیوں سے بار بار رابطہ کیا ہے اور انہیں سمجھایا ہے ، ان کی منتیں کیں لیکن وہ ماننے کو تیار نہیں، مریم نواز نے انہیں کہا کہ اب جب آپ کے بوڑھے اور بیمار والد کو آپ کی ضرورت ہے تو آپ نے انہیں درمیان میں ہی چھوڑ دیا ہے۔ اس بات پر مریم نواز شریف نے اپنے بھائیوں سے جھگڑا کر لیا، بات گالم گلوچ تک جا پہنچی۔
