اسلام آباد (مانیٹرنگ ڈیسک) عائشہ گلالئی کے بعد عائلہ ملک کے عمران خان پر سنگین الزامات نے کھلبلی مچا دی، تفصیلات کے مطابق عائلہ ملک کی طرف سے بھی پیغام آیا ہے کہ عمران خان نے مجھے بھی نازیبا اور غیر اخلاقی پیغامات بھیجے جن میں شادی کا ذکر بھی ہے، پتہ نہ تھا کہ میں اکیلی نہیں، تمام ریکارڈ موجود ہے۔ ٹوئٹر پر عائلہ ملک کی طرف سے یہ پیغام آنے کی دیر تھی ایک طوفان ہی آ گیا لیکن پتہ یہ چلا کہ یہ اکاؤنٹ ہی جعلی ہے اور عائلہ ملک کا اس سے کوئی تعلق نہیں ہے، یہ بات
یہ ثابت کرتی ہے کہ سوشل میڈیا پر کچھ صارفین سیاستدانوں کے خلاف جعلی سکینڈلز بنانے کی مہم میں مصروف ہیں۔ جس اکاؤنٹ سے یہ پیغام آیا یہ اکاؤنٹ کس کا ہے اور عمران خان کے ساتھ عائلہ ملک کا نام لینے کا کیا مقصد ہے اور ایسی کوشش کیوں کی جا رہی ہے اس بارے میں تو کچھ نہیں کہا جا سکتا مگر خواتین سیاستدانوں کے خلاف اس طرح کی حرکات بہت ہی افسوسناک ہیں اور اس کی جتنی مذمت کی جائے کم ہے۔ ذرائع کا یہ بھی کہنا ہے کہ عائلہ ملک نے کبھی ٹوئیٹر استعمال ہی نہیں کیا۔
