واہگہ (آن لائن)واہگہ بارڈرپرپاکستان نے ایشیاء کاسب سے بڑاجھنڈالہرادیا،جھنڈا120فٹ چوڑااور400فٹ اونچاہے ،پرچم کشائی کی تقریب میں آرمی چیف جنرل قمرجاویدباجوہ نے شرکت کی ۔تقریب میں عسکری قیادت کے علاوہ عام شہریوں نے بھی کثیرتعدادمیں شرکت کی ۔تفصیلات کے مطابق 13اگست کی رات بارہ بجے پاکستان کے 70ویں یوم آزادی کے موقع پرپاکستان نے واہگہ بارڈرپرایشیاء کاسب سے بڑاجھنڈالہرادیاواہگہ بارڈرپرلہرائے گئے جھنڈے کی چوڑائی 120فٹ اوراونچائی 400فٹ ہے ،

جھنڈابھارتی علاقے سے بھی تاحدنگاہ دیکھاجاسکتاہے ۔پرچم کشائی کی تقریب میں آرمی چیف جنرل قمرجاویدباجوہ نے بھی شرکت کی اوراپنے ہاتھوں سے پرچم لہرایا۔اس موقع پرعسکری اورسیاسی قیادت کے علاوہ سول سوسائٹی کے ارکان اورعام شہریوں نے بھی کثیرتعدادمیں شرکت کی تقریب میں شریک شرکاء کاجذبہ حب الوطنی دیدنی تھی ۔شرکاء نے پاکستان زندہ بادکے فلک شگاف نعرے لگائے اوروطن کی حفاظت کیلئے ہرممکن قربانی دینے کاعہدکیا۔تقریب میں پاکستان کے قومی ترانے بجائے گئے اورآتش بازی بھی کی گئی ۔اس موقع پرپاک فوج کے چاک وچوبند دستے نے قومی پرچم کوسلامی بھی دی ۔اس موقع پرپاکستان کی سربلندی کیلئے دعائیں بھی کی گئیں ۔واہگہ بارڈرپرلہرایاجانے والاپرچم دنیاکاآٹھواں بڑاپرچم ہے۔واضح رہے کہ بھارت نے کبھی اتنابڑاپرچم واہگہ بارڈرپرنہیں لہرایا،جب بھارت نے بڑاجھنڈاواہگہ بارڈرپرلہرانے کی کوشش کی تووہ لہرانے سے پہلے ہی پھٹ گیا۔