اسلام آباد (مانیٹرنگ ڈیسک) میرے بیٹے کو کس نے مارا؟ نوازشریف کی ریلی میں جاں بحق ہونیوالے معصوم بچے کی ماں نے اہم شخصیت کا نام لے لیا، نوازشریف کے قافلے میں شامل سکواڈ کی گاڑی سے ٹکر سے جاں بحق ہونے والے 12سالہ حامد کی والدہ نے روتے ہوئے انصاف کی اپیل کی ہے،

اس بچے کی والدہ نے روتے ہوئے کہا کہ ہمارا بچا گیا ہے، اور اس کا ذمہ دار نواز شریف ہے، نواز شریف نے میرے بیٹے کو مارا ہے۔ دریں اثناء پولیس کا کہناہے کہ متعلقہ ڈرائیور کی گرفتاری کی ہدایات جاری کر دی گئی ہیں دوسری طرف حامد کی والدہ کا کہنا ہے کہ مجھے انصاف چاہیے، میرے بیٹے کو نوازشریف نے مارا ہے۔ ایک نجی ٹی وی نے کہا کہ بچے کی ماں اس وقت سخت صدمے کی حالت میں ہے اور وہ ٹھیک سے بات نہیں کر پا رہی تاہم انہوں نے انصاف کی اپیل کی ہے۔ جاں بحق لڑکے کی حامد کے نام سے شناخت ہوئی ہے جس کا تعلق لالہ موسیٰ کے علاقے رحمت آباد سے ہے۔ میڈیا ذرائع کے مطابق حامد ریلی میں شامل ایلیٹ فورس کی گاڑی کی ٹکر سے جاں بحق ہوا ہے اس وقت وہاں موجود گاڑی کو رکنے کا اشارہ بھی کرتے رہے مگر وہ نہیں رکی، دوسری طرف لڑکے کے چچا نے کہا کہ وہ اس حادثے کے بعد قافلے میں شامل لوگوں کی منت سماجت کرتے رہے اور مدد کے لیے پکارتے رہے مگر کوئی مدد کے لیے نہیں رکا، حتیٰ کہ قافلے میں شامل ایمبولینس نے بھی رکنا گوارا نہ کیا۔

موضوعات:بچے کی ماں