کوئٹہ (مانیٹرنگ ڈیسک) آرمی چیف جنرل قمرجاوید باجوہ کوئٹہ میں کشیدہ صورتحال کے پیش نظرامن وامان کی صورت حال کا جائزہ لینےکےلیےکوئٹہ پہنچ گئے۔تفصیلات کےمطابق پاک فوج کےسربراہ جنرل قمرجاوید باجوہ کو ئٹہ پہنچ گئے۔ دورے کے دوران آرمی چیف جنرل قمر جاوید باجوہ کو سیکیورٹی صورتحال پر بریفنگ دی جائے گی جبکہ انہیں دہشت گردی کے حالیہ واقعات سے بھی آگاہ کیا جائے گا۔

یاد رہےکہ گزشتہ روزکوئٹہ میں نامعلوم مسلح افراد کی فائرنگ سےایس پی قائد آباد مبارک شاہ سمیت 4 پولیس اہلکار شہید ہوگئے تھے۔پولیس کے مطابق فائرنگ کا یہ واقعہ کوئٹہ کےعلاقے کلی دیبہ میں پیش آیاتھاجب مسلح افراد نےعلاقےمیں گشت کرتی پولیس موبائل پرفائرنگ کی تھی۔واضح رہےکہ گزشتہ شب کوئٹہ میں پولیس اورسیکیورٹی فورسزسےفائرنگ کےتبادلے میں 3 دہشت گرد ہلاک ہوگئےتھے۔

موضوعات:آرمی جنرل باجوہ