اسلام آباد (مانیٹرنگ ڈیسک)لاہور میں بیدیاں روڈ پر وین پر خود کش حملے میں میں4 فوجی اہلکار اور دو شہری شہید ہو گئے، دھماکے میں 22 افراد زخمی بھی ہوئے ہیں ۔ذرائع کے مطابق وین میں سوار افراد مردم شماری کیلئے جارہے تھے ، دھماکے کے بعد وین میں آگ بھڑک اٹھی ۔واقعے کے بعد سیکورٹی اہلکاروں نے علاقے کو گھیرے میں لے لیا جبکہ امدادی کارکنوں نے فوری کارروائی

کرتے ہوئے زخمیوں کو مختلف اسپتالوں میں منتقل کیا، جہاںزخمیوں میں 4افراد کی حالت تشویشناک بتائی جارہی ہے۔واضح رہے کہ ابھی پولیس ذرائع اور دوسرے سیکیورٹی ادارے ابھی حملہ آور کے حوالے سے کچھ بھی بتانے سے گریز کر رہے ہیں۔ ذرائع کے مطابق اس کی وجہ یہ بھی ہو سکتی ہے کہ ابھی معلومات اکھٹی کی جا رہی ہیں اور ان کی طرف سے ابھی کچھ بھی کہنا قبل از وقت ہوگا ۔