ملتان(آئی این پی)سابق وزیراعظم یوسف رضا گیلانی کی نااہلی کی مدت رواں ماہ 26اپریل کو ختم ہوجائے گی ،جس کے بعد پارٹی قیادت سابق وزیراعظم کے انتخابات میں حصہ لینے کا فیصلہ کرے گی ،19جون 2012کو اس وقت کے چیف جسٹس افتخارچوہدری کی سربراہی میں سپریم کورٹ کے 3رکنی بنچ نے سید یوسف رضا گیلانی کو توہین عدالت کیس میں نااہل قراردیا تھا اورواضح کیا تھا کہ انہیں 26اپریل 2012سے نااہل سمجھا
جائے ،سابق وزیراعظم کی نااہلی کی 5سالہ مدت رواں ماہ 26اپریل کو ختم ہوجائے گی ۔ذرائع کے مطابق سابق وزیراعظم کے آئندہ انتخابات میں حصہ لینے کا فیصلہ پیپلزپارٹی کی سینئرقیادت کرے گی،دوسری طرف بعض ذرائع نے دعویٰ کیا ہے کہ 2018ء کے انتخابات میں سابق وزیراعظم یوسف رضا گیلانی کا ملتان میں اپنے آبائی حلقے این اے 151یا ملتان شہر کے کسی حلقے سے الیکشن میں حصہ لینے کا امکان ہے۔
