اسلام آباد(مانیٹرنگ ڈیسک) عمران خان اور جہانگیر ترین کے خلاف نااہلی ریفرنس خارج ، چیف الیکشن کمشنر نے فیصلہ سنا دیا۔تفصیلات کے مطابق تحریک انـصاف کے چیئرمین عمران خان اور سیکرٹری جنرل جہانگیر ترین کے خلاف مسلم لیگ (ن) کے رہنما طلال چوہدری اور محمد خان ڈاہا کی جانب سے الیکشن کمیشن میں دائر درخواستوں کو خارج کردیاگیا ہے۔ چیف الیکشن کمشنر سردار رضا محمد خان نے فیصلہ پڑھ کر سناتے

ہوئے کہا کہ تحریک انصاف کے دونوں رہنماؤں کے خلاف ریفرنس ناقابل سماعت ہے۔دوسری جانب تحریک انصاف کے ترجمان نعیم الحق نے میڈیا سے بات کرتے ہوئے کہا ہے کہ آج حق اور سچ کی فتح ہوئی ہے۔ انہوں نے مطالبہ کرتے ہوئے کہا کہ اسپیکر قومی اسمبلی سردار ایاز صادق نے بدنیتی پر مبنی ریفرنس الیکشن کمیشن کو بھیجا جو ناقابل سماعت ہونے پر خارج کر دیاگیا ہے اس لئے اسپیکر قومی اسمبلی کو فوری طور پر معطل کیا جائے۔

موضوعات:الیکشن کمیشن ریفرنس جہانگیر ترین عمران خان