اسلام آباد(مانیٹرنگ ڈیسک) سینئر صحافی مجیب الرحمن شامی نے کہا ہے کہ جنرل قمر باجوہ کو جب یہ خبر ملی کہ انہیں آرمی چیف بنایا جا رہا ہے تو وہ فوراََ اپنی والدہ کی قبر پر گئے اور ان کیلئے فاتحہ خوانی کی۔
ایک نجی ٹی وی کے پروگرام میں گفتگو کرتے ہوئے سینئر صحافی مجیب الرحمن شامی نے کہا کہ جنرل قمر باجوہ انتہائی کھلے دل کے مالک ہیں اور وہ پروٹوکول کو پسند نہیں کرتے۔ انہوں نے کہا کہ قمر جاوید باوجوہ کا تعلق گگھڑ منڈی سے ہے اور وہ پانچ بہن بھائی ہیں لیکن ان میں سے کوئی بھی گگھڑ منڈی میں رہائش پذیر نہیں ہے لیکن ان کے ایک عزیز عاصم باجوہ وہاں ناظم منتخب ہوئے ہیں ۔
ان کی قیادت میں جب لوگوں کو پتا چلا کہ قمر جاوید باجوہ آرمی چیف منتخب ہو گئے ہیں وہاں پر مٹھائیاں تقسیم کی گئیں جبکہ لوگوں کی بڑی تعداد جنرل قمر جاوید باجوہ کے والد صاحب کی قبر پر گئی کیونکہ وہ بھی پاک فوج میں رہے ہیں ،وہاں پر تمام لوگوں نے ان کے ایثال ثواب کیلئے فاتحہ خوانی کی۔