اسلام آبا د (مانیٹرنگ ڈیسک) پاکستان کے سپہ سلار اور پوری قوم کا فخر آرمی چیف جنرل راحیل شریف کی مدت ملازمت ختم ہونے کو ہے اور نئے آرمی چیف کی تقرری سننے میں آرہی ہے تاہم جنرل راحیل شریف کی مقبولیت اور انکے معروف فوجی بیک گرائونڈ کے پیش نظر ایک محتاط جائزے کے مطابق پاکستان کی عوام انہیں ہی اپنا اگلا آرمی چیف دیکھنا چاہتی ہے ۔
تازہ ترین میڈیا رپورٹس کے مطابق جنرل راحیل شریف کے آرمی چیف بننے کے بعدان کے اثاثوں میں اضافہ ہونے کی بجائے کمی ہوئی ہے ۔ اور خبر یہ بھی ہے کہ وہ اگلے چند روز میں اپنے اثاثے ظاہر کر دیں گے جن میں ان کی تمام منقولہ اور غیر منقولہ جائیداد شامل ہوگی ۔بلکہ انہوں اپنا سب سے قیمتی رہائشی پلاٹ جس کی مالیت کروڑوں روپے بیان کی جاتی ہے ، آرمی کے شہداء فنڈ میں دے دیا ہے ۔ تفصیلات کیمطابق چیف آف آرمی اسٹاف کا عہدہ سنبھالنے کے بعد جنرل راحیل شریف نے کوئی جائیداد نہیں بنائی ۔موروثی جائیداد کے علاوہ صرف اس جائیداد کے مالک ہیں جو فوجی افسروں کو ان کی خدمات کے عوض حکومت کی طرف سے دی جاتی ہے ۔واضح رہے کہ اس بات کی تصدیق ابھی تک آئی ایس پی آر کی جانب سے نہیں کی گئی ۔
