اسلام آباد(ایکسکلوژو رپورٹ) نجی ٹی وی پروگرام میں سینئر سیاستدان شیخ رشید احمد خاتون اینکر پر برہم ہو گئے۔ تفصیل کے مطابق نجی ٹی وی پروگرام میں گفتگو کرتے ہوئے خاتون اینکر نے سربراہ عوامی مسلم لیگ شیخ رشید احمد سے سوال کیا کہ عمران خان تو اس بات سے انکار کرتے آئے ہیں کہ جو مذہبی جماعتیں ہیں یا وہ جماعتیں جن کے بارے میں کالعدم ہونے کا کہا جاتا ہے انہیں دھرنے میں شرکت کی دعوت نہیں دی گئی تو کیا ان جماعتوں کو آپ نے دھرنے میں شرکت کی دعوت دی ہے؟ آپ اس ضمن میں سرگرم عمل بھی ہیں۔ شیخ رشید نے خاتون اینکر کے سوال کے جواب میں کہا کہ میں نے بالکل بھی دعوت نہیں دی سمیع الحق صاحب کو۔ میں نے کبھی انہیں انوائٹ نہیں کیا ۔ یہ سب عمران خان کا فیصلہ ہے۔ اگر عمران خان چاہے کہ دفاع پاکستان کونسل اس میں شامل ہو تو وہ ایک شارٹ نوٹس پر ہو سکتی ہے لیکن عمران خان نے بھی کہا ہے کہ نہیں، انہیں شامل نہیں کرنا۔ شیخ رشید نے خاتون اینکر پر برہمی کا اظہار کرتے ہوئے کہا کہ آپ بار بار مجھے یہ کہہ رہی ہیں کہ ان لوگوں کو میں نے دعوت دی ہے۔ میں نے آپ کو انٹرویو کیا دے دیا، آپ تو مجھے گھیرنے کی کوشش کر رہی ہیں۔

Sheikh Rasheed Got Angry On Anchor by aman57