راولپنڈی(مانیٹرنگ ڈیسک)سوشل میڈیا پرمعروف مذہبی سکالر مولانا طارق جمیل پرمبینہ طور پر پاک فوج کی جانب سے پابندی عائدکرنے کی افواہیں گردش کرنے لگیں۔سوشل میڈیاپر وائرل افواہوں کے مطابق حساس ادارے کی طرف سے جاری کردہ نوٹیفکیشن میں کہا گیا ہے کہ معروف سکالر مولانا طارق جمیل کوآرمی کی کسی تقریب یا ایونٹ میں کسی قسم کی دعوت نہیں دی جائے گی۔ مولانا طارق جمیل پر پابندی کی افواہوں میں ایک (غیر مصدقہ)سرکلر کو جواز بنا کر کہا جا رہا ہے پاک فوج کے جاری کردہ نوٹیفکیشن میں واضح کردیا گیا ہے کہ مولانا طارق جمیل کو بطور مہمان ، بحیثیت لیکچر دینے اورکسی قسم تبلیغ کرنے پرپابندی عائد کردی گئی ہے۔
واضح رہے کہ مولانا طارق جمیل ایک معروف مذہبی سکالر ہیں اور ان کے بیانات اورلیکچر کیلئے اکثر سرکاری ادارے انہیں مدعو کرتے ہیں۔خیال رہے کہ فوجی ادارے کی جانب سے جاری کئے گئے سرکلر کو گزشتہ ایک دو دن سے سوشل میڈیا پر بڑی تعداد میں شیئر کیا جا رہا ہے کا عکس ذیل میں واضح طور پر دیکھا جا سکتا ہے تاہم اس حوالے سے پاکستانی میڈیا میں ابھی تک کوئی واضح رپورٹ سامنے نہیں آئی اور نہ ہی پاک فوج کے شعبہ تعلقات عامہ نے اسکی تصدیق یا تردید کی۔ عوام الناس میں اس حوالے سے مختلف سوالات جنم لے رہے ہیں تاہم اس بابت جیسے ہی کوئی مصدقہ خبر موصول ہوئی تو اسے قارئین کے ساتھ شیئر کر دیا جائے گا۔