اسلام آباد(مانیٹرنگ ڈیسک) نجی ٹی وی پروگرام میں سینئر صحافی و تجزیہ نگار نے تہلکہ خیز دعویٰ کر دیا۔ تفصیل کے مطابق نجی ٹی وی پروگرام میں گفتگو کرتے ہوئے سینئر صحافی نے کہا کہ فوجی قیادت یہ چاہتی ہے کہ نیشنل ایکشن پلان پر عملدرآمد پورے ملک میں ہونا چاہئے۔ پورے ملک میں دہشتگردی اور کرپشن کے خاتمے کیلئے سیکورٹی فورسز کو فری ہینڈ دینا چاہئے لیکن وہ نہیں دیا گیا۔ وزیر اعظم نے نیشنل ایکشن پلان پر اہم ترین اجلاس میں ناصر جنجوعہ کو وزیر داخلہ بنا دیا کیوں کہ چوہدری نثار اپنا ایک آزاد نظریہ اور حکمت عملی رکھتے ہیں ۔
نیشنل ایکشن پلان اجلاس میں نواز شریف نے چوہدری نثار کو بائی پاس کیا۔ نواز شریف نے کمان جنرل ناصر جنجوعہ کے ہاتھ میں دی ہوئی ہے۔سینئر صھافی صابر شاکر نے دعویٰ کیا کہ ناصر جنجوعہ کو نیشنل ایکشن پلان عملدرآمد کمیٹی کا سربراہ اسلئے بنایا گیا ہے کہ کل کو اگر کوئی گند وغیرہ ، تنقید یا ری ایکشن آئے گا تو حکومت کہے گی کہ ہم نے تو جنرل ناصر جنجوعہ کو ذمہ داری دی تھی۔ صابر شاکر نے کہا کہ جنرل ناصر جنجوعہ براہ راست وزیر اعظم کے ساتھ رابطے میں ہوں گے اور نواز شریف انہیں جو حکم دیں گے وہ صرف وہی کر سکیں گے۔