اسلام آباد(مانیٹرنگ ڈیسک) نجی ٹی وی پروگرام میں سینئر صحافی نے بڑا دعویٰ کر دیا۔ سینئر صحافی نے نجی ٹی وی پروگرام میں دعویٰ کرتے ہوئے کہا کہ امریکہ ، بھارت اور افغانستان تینوں اسی کوشش میں لگے ہوئے ہیں کہ وزیر اعظم نواز شریف پاکستان میں حکومت برقرار رکھیں اور آنے والے الیکشن میں بھی حکومت بنائیں۔ سینئر صحافی صابر شاکر نے کہا کہ امریکہ ، بھارت اور افغانستان کی سر توڑ کوشش ہے کہ جنرل راحیل شریف اور ان جیسے جرنیل پاکستانی فوج سے رخصت ہو جائیں اور وہ ایسا ہر صورت میں چاہتے ہیں۔
امریکہ ، بھارت اور افغانستان اس مقصد کیلئے ایک خفیہ کھیل کھیل رہے ہیں جس کی بنیادی وجہ یہ ہے کہ ضرب عضب آپریشن کو خود جان مکین دیکھ کے جا چکے ہیں اور انہیں پاکستان کی مسلح افواج کی کامیابیوں کا اچھی طرح اندازہ ہو چکا ہے۔ صابر شاکر نے کہا کہ یہ ساری گیم نئے آرمی چیف اور موجودہ فوج کو ڈی گریڈ کرنے، راحیل شریف کی کامیابیوں کو ناکامیوں میں بدلنے کے لئے یہ سارا کھیل کھیلا جا رہا ہے۔ سپر پاور سمیت دنیا کے تین اہم ممالک راحیل شریف کی مقبولیت اور مہارت سے خوفزدہ ہیں۔

موضوعات:امریکہ ، بھارت اور افغانستا ن جنرل راحیل شریف کیا کھیل کھیل رہے ہیں ناکام کرنے کیلئے