کوئٹہ ( آن لائن ) وزیراعلیٰ بلوچستان نواب ثناء اللہ زہری نے کہا ہے کہ بلوچستان میں بھی دہشتگردوں کے خلاف فیصلہ کن آپریشن کرینگے دہشتگرد جہاں بھی ہونگے ہم اس جنگ کو منطقی انجام تک پہنچائیں گے دہشتگردی کیخلاف حوصلے بلند ہے اور شہداء کا خون رائیگاں نہیں جانے دینگے ریاست کے دشمن کواب کسی بھی صورت معاف نہیں کرینگے جہاں بھی ہونگے وہاں ٹارگٹ کرینگے ان خیالات کا اظہار انہوں نے کوئٹہ سول ہسپتال میں سانحہ کوئٹہ کے جگہ کا معائنہ کے موقع پر میڈیا سے بات چیت کر تے ہوئے کیا انہوں نے کہا ہے کہ ہم دہشتگردی کیخلاف متحد ہے آخری دہشتگرد کے خاتمے تک ان کا پیچھا کرینگے دہشتگرد بلوچستان کا امن تباہ کر نا چا ہتا ہے شہیدوں کا خون رائیگا نہیں جانے دینگے ظالموں کے سامنے ڈٹ کر رہیں گے ریاست کے دشمن کو اپنا دشمن تصور کر کے ان کا مقابلہ کرینگے دہشتگرد جہاں بھی ہونگے ہم ا س جنگ کو منطقی انجام تک پہنچائیں گے دھماکے میں زخمی ہونیوالوں کی داد قابل تعریف ہے اور4 روز قبل بھی ’’را‘‘ کے6 دہشتگردوں کو گرفتار کر کے میڈیا کے سامنے پیش کیا تھا بھارت اور ان کے خفیہ ادارہ ’’را‘‘ براہ راست بلوچستان میں دہشتگردی کے واقعات میں ملوث ہے ظالموں نے ہمارے ایک نسل کو تباہ کر دیا اور اب ہم ان کی نسل کو تباہ کر دینگے جنہوں نے ہمارے معصوم اور بے گناہ لوگوں کو نشانہ بنایا دہشتگرد ظالم ہے ہم ان کے سامنے ڈٹ کر کھڑے ہیں انہوں نے کہا ہے کہ دہشتگرد بلوچستان میں آخری سانسیں لے رہی ہے دہشتگردوں کو باہر سے فنڈنگ ہو رہی ہے بلوچستان میں ’’را‘‘ کے ملوث ہونے کے ثبوت موجود ہے اس موقع پر صوبائی وزراء اراکین اسمبلی بھی موجود تھے۔