راولپنڈی (مانیٹرنگ ڈیسک) آرمی چیف جنرل راحیل شریف ایک روزہ دورے پر چین کے شہر ارمچی پہنچ گئے جہاں انھوں نے پیپلز لبریشن آرمی کے چیف آف جنرل اسٹاف فینگ سے ملاقات کی جس میں پاک چین دوطرفہ فوجی تعلقات،علاقائی تعاون اوراقتصادی راہداری کی طویل المدتی سیکیورٹی کے مختلف پہلو پر بات چیت کی گئی۔بدھ کو پاک فوج کے شعبہ تعلقات عامہ (آئی ایس پی آر ) کے مطابق آرمی چیف ایک روزہ دورے پر چین کے شہر ارمچی پہنچ گئے۔
آرمی چیف نے پیپلز لبریشن آرمی کے چیف آف جنرل اسٹاف فینگ سے ملاقات کی جس میں پاک چین دوطرفہ فوجی تعلقات، اقتصادی راہداری کی طویل المدتی سیکیورٹی کے مختلف پہلو پر بات چیت کی گئی آرمی چیف نے سنکیانگ میں سیاسی قیادت سے بھی ملاقات کی۔ آرمی چیف جنرل راحیل شریف نے ارمچی میں پارٹی سیکرٹری ڑینگ چن شیان سے بھی ملاقات کی جس میں پاک چین دوطرفہ تعلقات اور علاقائی سیکورٹی کے امور خاص طور پر اقتصادی راہداری منصوبے کی تکمیل اور سیکورٹی کے حوالے سے تبادلہ خیا ل کیا گیا۔پاکستان کے آرمی چیف جنرل راحیل شریف اور چین کے چیف آ ف جنرل سٹاف کی ملاقات سے بھارت میں تشویش کی لہر دوڑ گئی ہے۔ واضح رہے کہ عالمی ثالثی عدالت کے فیصلے کیخلاف پاکستان نے چین کا بھرپور ساتھ دینے اعلان کیا ہوا ہے۔

موضوعات:چینی چیف آف جنرل سٹاف راحیل شریف