شیخوپورہ (مانیٹرنگ ڈیسک)کاؤنٹر ٹیررز م ڈیپارٹمنٹ (سی ٹی ڈی )کی ٹیم نے شیخوپورہ میں کارروائی کر کے 7 دہشت گردوں کو ہلاک کر دیا، جبکہ 3 دہشت گرد فرار ہونے میں کامیاب ہو گئے۔شیخوپورہ کی بھکھی نہر کے کنارے واقع گاوں چار چک رسالہ میں10 دہشت گرد، لاہور اور شیخوپورہ میں حساس تنصیبات اور اہم شخصیات پر حملوں کی منصوبہ بندی کر رہے تھے۔ممکنہ کارروائیوں کی خفیہ اطلاع پرسی ٹی ڈی کی ٹیم گاوں پہنچ گئی ٹیم کو دیکھتے ہی دہشت گردوں نے فائرنگ کر دی۔سی ٹی ڈی کے جوانوں کی جوابی کارروائی میں 7دہشت گرد مارے گئے ،جبکہ 3 رات کی تاریکی کا فائدہ اٹھاتے ہوئے فرار ہو گئے۔دہشت گردوں کے قبضے سے بارودی مواد، ڈیٹونیٹر، تین کلاشنکوف، پسٹل، گولیاں اور تین موٹرسائیکلوں کے ساتھ حساس تنصیبات کے نقشے برآمد کر لیے گئے۔مارے گئے دہشت گردوں کا تعلق ایک کالعدم تنظیم سے بتایا گیا ہے، دہشت گردوں کی لاشوں کو شیخوپورہ اسپتال پہنچا دیا گیا۔فرار ہونے والے دہشت گردوں کی گرفتاری کے لیے علاقے کی ناکہ بندی کر لی گئی ہے۔

موضوعات:خطرناک منصوبہ دہشت گردوں ہلاک