اسلام آباد(مانیٹرنگ ڈیسک ) سینئر تجزیہ نگار نے نجی ٹی وی پروگرام میں نیا دعویٰ کر دیا۔ سینئر تجزیہ نگار نے کہا کہ حکومت نے کل اسمبلی میں کورم ٹوٹنے سے بچا لیا، ہو سکتا ہے نواز شریف نے شہباز شریف کو فون کرکے پوچھ گچھ کی ہو۔ نصرت جاوید نے کہا کہ اراکین اسمبلی کے یہ مطالبے مراعات بڑھوانے کیلئے ہو سکتے ہیں ۔ ووٹ بنک نواز شریف کا ہے شہباز شریف کا نہیں۔ نصرت جاوید نے کہا کہ ہم نے صرف میڈیا میں فارورڈ بلاک ایجاد کر لیا ہے۔ فارورڈ بلاک کیلئے بندے آج بھی وہی 15 سے 16 ہیں۔ نصرت جاوید نے کہا کہ میں جس وقت پارلیمنٹ ہاؤس سے نکلا تھا اس وقت تک کورم پورا تھا اور اجلاس مکمل طور پر جاری تھا۔
سینئر تجزیہ نگار نصرت جاوید نے کہاکہ یہ لوگ اپنی تنخواہ اور مراعات میں اضافے کیلئے اپنی ہی حکومت کو بلیک میل کر رہے ہیں۔فارورڈ بلاک کا کوئی چکر نہیں ‘ سب منہ دیکھتے رہ جائیں گے۔ ایک طرف انقلابی سرکس لگی ہوئی ہے اور دھرنا ہونے والا ہے تو دوسری طرف اراکین اسمبلی اپنی ہی حکومت کو تنخواہوں میں اضافے کیلئے بلیک میل کرر رہی ہے۔ نصرت جاوید نے کہا کہ میں سمجھتا ہوں کہ تنخواہوں میں اضافہ ہونا چاہئے کیونکہ یہ اراکین اسمبلی کا حق ہے۔