اسلام آباد ( مانیٹرنگ ڈیسک ) وزیر دفاع خواجہ محمد آصف نے کہا ہے کہ ملا فضل اللہ کو سو فیصد افغان حکومت کی پشت پناہی حاصل ہے ، ملا فضل اللہ آج بھی افغانستان میں بیٹھ کر پاکستان کے لوگوں کا قتل عام کرواتا ہے ، اگر ہمارا خون بہے گا تو اس کا حساب دینا پڑے گا، روزانہ ہزاروں افراد بغیر ٹکٹ پاکستان آتے ہیں مگر اب ایسا نہیں چلے گا ، ہم نے ہمیشہ افغانستان کا بھلا چاہا ہے ، پاکستان میں دہشتگردوں کی پناہ گاہیں ہونے کا الزام لگایا جاتا ہے۔ منگل کو ایک نجی ٹی وی کودیئے گئے انٹرویو میں خواجہ محمد آصف نے پاک افغان طور خم بارڈر پر کشیدگی کے حوالے سے گفتگو کرتے ہوئے کہاکہ ہم نے ہمیشہ افغانستان کا بھلا چاہا ہے مگر ہم پر پاکستان میں دہشتگردوں کی پناہ گاہیں الزام لگایا جاتا ہے ۔ خواجہ آصف نے کہا کہ ملا فضل اللہ افغانستان میں بیٹھ کر پاکستان کے معصوم لوگوں کا قتل عام کروا رہا ہے ۔ اگر ہمارا خون بہے گا تو اس کا حساب دینا پڑے گا۔ انہوں نے کہا کہ افغانستان میں 16 ملکوں کی فوج مل کر امن قائم نہیں کر سکی اور ہماری فوج نے اکیلے ہی پاکستان میں امن قائم کیا ہے۔ وزیر دفاع نے کہا کہ روزانہ ہزاروں افراد بغیر ٹکٹ پاکستان آتے ہیں مگر اب ایسا نہیں چلے گا ۔ بارڈر مینجمنٹ ضروری ہے اگر افغانستان بارڈر مینجمنٹ نہیں کرنے دے گا تو معاملہ بڑھے گا خواجہ آصف نے کہا کہ ملا فضل اللہ کو سو فیصد افغان حکومت کی پشت پناہی حاصل ہے.
وزیردفاع خواجہ آصف نے کہاہے کہ میجرجوادشہیدکی قربانی رائیگاں نہیں جائے گی،ان کی شہادت کابدلہ لیاجائیگا،پاکستان نے ہمیشہ افغانستان کابھلاچاہاہے،اگربارڈرمینجمنٹ نہیں کرنے دیں گے تومعاملہ آگے بڑھ جائے گا،افغانستان ملافضل اللہ کی سرپرستی کررہاہے ،پاکستان میں ہونے والی دہشتگردی کے تانے بانے افغانستان سے ملتے ہیں ۔نجی ٹی وی سے گفتگوکرتے ہوئے انہوں نے کہاکہ ہمیں اپنی سرحدمحفوظ بنانی ہے ،ہم اپنی سرزمین کادفاع کرناچاہتے ہیں ،افغانستان میں سولہ ممالک کی فوجیں امن قائم نہیں کرسکیں ،ہماری فوج نے اپنے ملک میں امن قائم کیاہے ،پاکستان نے دہشتگردی کیخلاف جنگ میں بڑی قربانیاں دی ہیں ،اگرہماراخون بہے گاتواس کاحساب تودیناپڑیگا۔ملافضل اللہ افغانستان میں موجودہے اورافغانستان 100فیصدان کی سرپرستی کررہاہے ۔انہوں نے کہاکہ دشمن ضرب عضب سے حاصل امن کے ثمرات کوسبوتاژ کرناچاہتاہے،ضرب عضب سے کامیابی ساری دنیا دیکھ رہی ہے ۔ہم افغانستان کابھلاچاہتے ہیں،تاہم اگرہمیں بارڈرمینجمنٹ نہیں کرنے دیں گے تومعاملہ آگے بڑھ جائے گا۔ انہوں نے کہاکہ افغان مہاجرین اپنے ملک نہیں جاناچاہ رہے تواس کامطلب یہ ہے کہ افغان حکومت کی رٹ نہیں ہے۔