اسلام آباد(مانیٹرنگ ڈیسک) نجی ٹی وی رپورٹ کے مطابق ڈسٹرکٹ ہسپتال قصور میں مظاہرین کی امیدوں پر پولیس نے پانی پھیر دیا، رپورٹ کے مطابق وزیر اعلیٰ پنجاب کی آمد کی اطلاع جب مقامی لوگوں کو ہوئی تو انہوں نے وزیر اعلیٰ کی موجودگی میں احتجاج کا فیصلہ کیا کہ شاید ہمارے مسائل اس طرح حل ہو جائیں لیکن جیسے ہی وزیر اعلیٰ پنجاب میاں شہباز شریف ڈسٹرکٹ ہیڈ کوارٹر ہسپتال، قصور پہنچے تو پولیس نے مظاہرہ کرنے والوں کو پہلے ہی جھانسے سے ایک طرف لیجا کر کمرے میں بند کر دیا، شہباز شریف کے ہسپتال سے واپس جاتے ہی مقامی تھانے کے اہلکاروں نے کمرے میں بند مظاہرین کو چھوڑ دیا۔ پولیس کے اس ناروا سلوک سے قصور کے شہریوں میں غم و غصہ کی لہر دوڑ گئی۔