اسلام آباد (آن لائن) وفاقی وزیر دفاع خواجہ محمد آصف نے کہا ہے کہ شکیل آفریدی کو امریکہ کے حوالے نہیں کریں گے ۔ شکیل آفریدی ہمارا مجرم ہے ۔ وزیر اعظم جیسا دل کسی اور سیاستدان کے پاس نہیں ہے۔ نجی ٹی وی کو انٹرویو میں انہوں نے کہا کہ پانامہ لیکس ایشو نہیں ہے لوگوں کو یہ ہی نہیں پتہ کہ پانامہ کدھر ہے پانامہ کے شور سے دور تک حکومت کو کوئی خطرہ نہیں ہے ۔انہوں نے کہا کہ عمران خان نے 126 دنوں دھرنے میں کیا حاصل کیا آئندہ بھی دھرنا کریں گے پیپلزپارٹی دھرنے کیلئے تحریک انصاف کے ساتھ جانے کی باتیں قبل از وقت ہیں۔انہوں نے کہا کہ وزیر اعظم نواز شریف کا جتنا بڑا دل ہے اتنا کسی اور سیاستدان کا نہیں ہے وزیر اعظم اپین ذاتی خرچ پر بیرون ملک علاج کروا رہے ہیں انہوں نے کہا کہ وزیر اعظم کے اسٹیبلشمنٹ کے ساتھ تعلقات بہت اچھے ہیں پہلے دونوں ادوار سے کہیں اچھے تعلقات ہیں ۔انہوں نے کہاکہ عمران خان کے ساتھ سیاسی مخالفت ہے وہ بھی بیان دیتے ہیں ہم بھی دیتے ہیں وزیر اعظم نے عمران خان کے ساتھ ہمیشہ نرمی کا مطاہرہ کیا ہے وزیر اعظم کے سیاسی دشمن سیاسی رفیق بھی رہے ہیں۔