اسلام آباد (نیوز ڈیسک )پاکستان کے دارالحکومت اسلام آباد کی انسداد دہشت گردی کی عدالت نے اعلٰی عدالتوں کے ججز کو حبس بےجا میں رکھنے کے مقدمے میں سابق فوجی صدر پرویز مشرف کے ناقابل ضمانت ورانٹ گرفتاری جاری کرتے ہوئے اُنھیں 22 اپریل کو عدالت میں پیش کرنے کا حکم دیا ہے۔
خیال رہے کہ سابق صدر کی بیرون ملک روانگی کے بعد ان کے خلاف آئین شکنی کے مقدمے کی سماعت کرنے والی خصوصی عدالت نے بھی وفاقی حکومت سے تحریری وضاحت طلب کی تھی کہ عدالت سے پوچھے بغیر ملزم کو بیرون ملک کیوں جانے دیا گیا؟
انسداد دہشت گردی کی عدالت اس مقدمے میں سابق فوجی صدر کو استثنیٰ دیتی رہی ہے اور یہ پہلی مرتبہ ہے کہ انسداد دہشت گردی کی عدالت نے ملزم کے ناقابل ضمانت وارنٹ گرفتاری جاری کیے ہیں۔
جمعے کو جج سہیل اکرام نےاس مقدمے کی سماعت کے دوران استفسار کیا کہ ملزم پرویز مشرف اس وقت کہاں ہیں۔ سابق فوجی صدر کے وکیل نے عدالت کو بتایا کہ اُن کے موکل حکومت کی اجازت کے بعد بیرون ملک علاج کی غرض سے گئے ہیں جس پر جج نے برہمی کا اظہار کرتے ہوئے کہا کہ عدالت کی اجازت لیے بغیر بیرون ملک جانے کی اجازت کیوں دی گئی؟
ملزم کے وکیل نے عدالت کو بتایا کہ اُن کے موکل علاج کی غرض سے بیرون ملک ہیں تاہم اُن کی واپسی کے بارے میں کچھ نہیں کہہ سکتے۔
عدالت نے اس مقدمے میں سرکاری وکیل سے استفسار کیا کہ کیا حکومت کو یہ نہیں چاہیے تھا کہ اگر سپریم کورٹ نے اپنے فیصلے میں ملزم پرویز مشرف کا نام ای سی ایل میں نکالنے سے متعلق سندھ ہائی کورٹ کے فیصلے کو برقرار رکھا ہے تو حکومت کو ملزم کے خلاف دیگر مقدمات میں متعقلہ عدالتوں سے نہیں پوچھنا چاہیے تھا۔
واضح رہے کہ اس سے پہلے اسلام آباد کی مقامی عدالت نے لال مسجد کے سابق نائب خطیب عبدالرشید غازی کے قتل کے مقدمے میں ملزم پرویز مشرف کے ناقابل ضمانت وارنٹ گرفتاری جاری کر چکی ہے۔
سابق فوجی صدر کے خلاف آئین شکنی کے مقدمے کی سماعت کرنے والی خصوصی عدالت پرویز مشرف کو بیرون ملک بھجوانے کے لیے وفاقی حکومت سے وضاحت طلب کر چکی ہے۔
قانونی ماہرین کا کہنا ہے کہ ججز کو حبس بےجا میں رکھنے کے مقدمے میں اگر پرویز مشرف پیش نہ ہوئے تو پھر اُن کے خلاف اشتہار جاری کیے جائیں گے جس کے بعد ملزم کے ریڈ وارنٹ جاری کرنے کا سلسلہ شروع ہوگا۔
مشر ف بارے بری خبر آگئی ! گر فتاری کا حکم دیدیا جا نئے کس نے
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
8 بجے تک
-
بجٹ میں سرکاری ملازمین کی تنخواہوں سے متعلق بڑافیصلہ
-
’بیوی، بچے بضد تھے کہ مری دیکھنا ہے‘: وین حادثے میں پانچ بچوں، اہلیہ اور والدہ کو کھونے والے ملتان ک...
-
سرکاری ملازمین کی تنخواہوں اور پنشن سے متعلق بڑا فیصلہ
-
پاکستان میں محرم الحرام کا چاند کب نظر آئیگا؟ محکمہ موسمیات نے بتادیا
-
حکومت کا تنخواہ دار طبقے کے 4 سلیبس پر ٹیکس میں کمی اور سرچارج ختم کرنے کا اعلان
-
یکم محرم الحرام اور یوم عاشور کب ہوگا؟ماہرین فلکیات نے پیش گوئی کردی
-
راولپنڈی: مقامی ہسپتال کی نرس سے اجتماعی زیادتی , ملزمان نے ویڈیو بھی بنائی
-
یکم جولائی سے بینظیر انکم سپورٹ پروگرام صارفین کو کتنی رقم ملے گی؟ بڑی خوشخبری آگئی
-
پاکستان ، قرعہ اندازی میں کروڑ پتی بننے والے خوش نصیبوں کا اعلان
-
سونے کی عالمی اور مقامی مارکیٹوں میں قیمت میں آج بھی بڑی کمی ریکارڈ
-
سرکاری ملازمین کی تنخواہوں میں اضافے کی منظوری
-
پی ٹی اے نے موبائل فون صارفین کو اہم سہولت فراہم کر دی
-
تیز ہواں، گرج چمک کے ساتھ بارش کی پیشگوئی، الرٹ جاری



















































