لندن /اسلام آباد (نیوز ڈیسک)برطانیہ میں سابق پاکستانی ہائی کمشنر واجد شمس الحسن کو قومی خزانے کو کروڑوں کا نقصان پہنچانے پر نیب کی طرف سے پندرہ مارچ کو پیشی کے سمن بھجوا دیئے گئے ہیں۔میڈیا رپورٹ کے مطابق نوٹس میں واجد شمس الحسن کو سات نکاتی سوالنامے کا فوری جواب دینے کا تحریری پیغام بھی دیا گیا سابق ہائی کمشنر سے یہ سوال کیا گیا کہ انہوں نے 4200 پا?نڈ کے ایئر ٹکٹس قواعد سے ہٹ کر کیوں خریدے اور چارٹرڈ طیاروں پر 1500 پاؤنڈکیوں خرچ کئے؟ واجد شمس الحسن سے پوچھا گیا ہے کہ ٹیلی فون کی مد میں 32 لاکھ پاؤنڈ کیسے خرچ ہوئے؟ 2 لاکھ پاؤنڈ کے متفرق اخراجات کا حساب کتاب کہاں ہے؟ ہائی کمیشن کے بینک اکاؤنٹ سے ایک لاکھ پاؤنڈ نکالنے اور 27 لاکھ امریکی ڈالر کی ضیافتیں اڑانے کا بھی جواب طلب کیا گیا ہے۔ 23 ہزار پاؤنڈ کے اخراجات کا تو کوئی ریکارڈ ہی موجود نہیں۔ نیب کے مطابق واجد شمس الحسن اگر مقررہ تاریخ کو پیش نہ ہوئے تو ان کے وارنٹ گرفتاری جاری کئے جائیں گے