اسلام آباد (نیوز ڈیسک)وزیر اعظم محمد نواز شریف نے کہا ہے کہ الیکٹرانک میڈیا کیلئے ضابطہ اخلاق پر اتفاق رائے نہایت مثبت پیش رفت ہے ۔ملک کی تعمیر و ترقی اور قومی مفادات کے حوالے سے میڈیا کا کردار ہمیشہ اہم رہا ہے اور حکومت میڈیا کی آزادی پر مکمل یقین رکھتی ہے۔وہ جمعرات کو میڈیا کیلئے ضابطہ اخلاق کمیٹی کے سربراہ اور قومی امور کیلئے وزیر اعظم کے معاونِ خصوصی عرفان صدیقی سے ملاقات کے دوران بات چیت کررہے تھے۔وزیر اعظم نے کمیٹی کی کاوشوں کو سراہا اور
مزیدپڑھیئے:ملزم نے اعتراف جرم کرلیا
توقع ظاہر کی کہ ضابط اخلاق پر عمل درآمد کے لیے سنجیدہ کوششیں کی جائیں گی۔وزیراعظم نے کہا کہ دہشت گردی ، فرقہ واریت اور انتہا پسندی جیسے مسائل کے خاتمے میں میڈیا کا کردار انتہائی اہمیت رکھتا ہے۔ملاقات میں عرفان صدیقی نے وزیر اعظم کو نئے ضابط اخلاق کے بارے میں بریفنگ بھی دی۔
