راولپنڈی(نیوز ڈیسک)راولپنڈی میں نامعلوم افراد کی فائرنگ سے ایڈیشنل ڈسٹرکٹ اینڈ سیشن جج ہلاک ہوگئے.پولیس کے مطابق تھانہ صادق آباد کے قریب گلاس فیکٹری چوک کے رہائشی ایڈیشنل ڈسٹرکٹ اینڈ سیشن جج طاہر خان نیازی بدھ کو اپنے معمول کے کاموں کے بعد واپس جارہے تھے کہ سیٹلائٹ ٹاؤن کے علاقے میں گھات لگا کر بیٹھے نامعلوم افراد نے ان پر فائرنگ کردی.فائرنگ سے جسٹس طاہر نیازی شدید زخمی ہوگئے،جنھیں قریبی بے نظیر بھٹو ہسپتال منتقل کیا گیا تاہم وہ زخموں کی تاب نہ لاکر ہلاک ہوگئے.جسٹس طاہر نیازی کی لاش کو پوسٹ مارٹم کے لیے راولپنڈی کے ڈسٹرکٹ ہیڈ کوارٹر ہسپتال منتقل کردیا گیا.فائرنگ کے واقعے کے بعد پولیس نے موقع پرپہنچ کر شواہد اکھٹے کرکے تفتیش کا آغاز کردیا.واقعے کی خبر ملتے ہیں وکلاء کی بڑی تعداد ہسپتال کے باہر جمع ہوگئی، جن میں شدید غم و غصہ پایا جاتا ہے.