اسلام آباد(نیوزڈیسک) امریکی صدر باراک اوباما نے پاکستانی وزیراعظم نواز شریف کو امریکی دورے کی دعوت دی ہے۔پاکستانی کے سینئر سفارتی ذرائع کے مطابق دورے کی تاریخ کو ابھی حتمی شکل نہیں دی گئی ہے، تاہم یہ دورہ رواں سال اکتوبر کے آخری دنوں میں متوقع ہے۔ذرائع کے مطابق یہ دورہ ستمبر میں نیو یارک میں اقوام متحدہ کی جنرل اسمبلی کے ہونے والے سیشن میں شرکت کے علاوہ ہوگا۔ اقوام متحدہ کے مذکورہ سیشن کے ساتھ نواز شریف امن کے قیام کی سمٹ میں اوباما کے ساتھ شریک چیئرمیں کی حیثیت سے بھی شریک ہونگے۔خیال رہے کہ وائٹ ہاو¿س کی جانب سے اس دورے کے حوالے سے سرکاری طور پر اعلان نہیں کیا گیامذکورہ دورہ نواز شریف کا ان کے وزیراعظم بننے کے بعد امریکا کا دوسرا دورہ ہوگا۔ اس سے قبل انھوں نے اکتوبر 2013ئ میں امریکا کا سرکاری دورہ کیا تھا۔دورے کے نتیجے میں دونوں ممالک کے درمیان کئی عرصے سے جاری سرد مہری کشیدگی میں کمی آئی تھی۔سفارتی ذرائع نے بتایا کہ اس دورے کی دعوت کا مقصد دونوں ممالک کے تعلقات کو مزید مستحکم کرنا ہے۔ایک اور سفاتی ذرائع کا کہنا ہے کہ نواز شریف کو امریکا کے دورے پر بلانے کا مقصد ہندوستانی پالیسیوں کے حوالے سے نواز شریف پر موجود فوجی دباو¿ کو کم کرنا اور مدد فراہم کرنا ہے۔نواز شریف کے خارجہ امور سے تعلق رکھنے والے مشیروں کے مطابق یہ دورہ دونوں ممالک میں آئندہ کے اسٹریٹیجک تعلقات کے حوالے سے ایک سنگ میل ثابت ہوگا۔