پشاور (نیوزڈیسک)راحیل شریف نے دل جیت لئے،پشاور میں آرمی پبلک سکول کے حملے میں شہید ہونے والے طلباءکے والدین کے اعزازمیں افطار پارٹی ،چیف آف آرمی سٹاف جنرل راحیل شریف نے کہاہے کہ آرمی پبلک سکول کے شہداءکی قربانیوں نے پوری قوم کو متحدکر دیا ہے .آر می پبلک سکول پر حملے کے واقعہ کو بھلایا نہیں جاسکتا . پاکستان سے آخری دہشتگرد کے خاتمے آپریشن نہیں روکا جائےگا بدھ کو پشاور میں آرمی پبلک سکول کے حملے میں شہید ہونے والے طلباءکے والدین کے اعزازمیں افطار پارٹی سے خطاب کرتے ہوئے جنرل راحیل شریف نے کہاکہ آرمی پبلک سکول پر حملے کے واقعہ کو بھلایا نہیں جاسکتا ۔انہوںنے کہاکہ کوئی مذہب اور معاشرہ ایسے بہیمانہ عمل کی اجازت نہیں دے سکتا ۔انہوںنے کہاکہ جن دہشتگردوں نے سکول کے معصوم بچوں کو شہید کیا تھا ان کا کوئی مذہب نہیں ہے واقعہ کے حوالے سے والدین کے ساتھ تفصیلات شیئر کرتے ہوئے انہوںنے کہاکہ حملے میں ملوث زیادہ تر دہشتگرد اپنے انجام کو پہنچ چکے ہیں انہوںنے کہاکہ پاکستان سے آخری دہشتگرد کے خاتمے آپریشن نہیں روکا جائےگا آئی ایس پی آر کے بیان کے مطابق افطاری کے دور ان آرمی چیف شہید بچوں کے والدین سے الگ الگ ملے ان کے ساتھ جنرل راحیل شریف کی اہلیہ بھی موجود تھیں انہوںنے ایک مرتبہ پھرغمزدہ خاندانوں کے ساتھ ہمدردی کا اظہار کیا انہوںنے بات چیت کے دور ان شہیدا کو خراج تحسین پیش کیا انہوں نے زخمی ہونے والے طلباءکی جرات کو سراہتے ہوئے کہاکہ سولہ دسمبر کو تمام نے ملک کےلئے بڑی قربانیاں دیں جنرل راحیل شریف نے کہاکہ پوری قوم اور فوج غمزدہ خاندانوں کے ساتھ کھڑی ہے اور ان کی قربانیوں کو تسلیم کرتے ہیں اس موقع پر شہیدہونے والے بچوں ¾ اساتذہ اور فوجیوں کے ایصال ثواب کےلئے فاتحہ خوانی بھی کی گئی متاثرہ خاندان کے ارکان نے جنرل راحیل شریف اور ان کی اہلیہ کا شکریہ ادا کیا متاثرہ خاندانوں نے ان کے ساتھ فوج کی جانب سے تعاون پر بھی شکریہ ادا کیا اس سے پہلے کورہیڈ کوارٹر پہنچنے پر کور کمانڈر لیفٹیننٹ جنرل ہدایت الرحمن نے آرمی چیف کا استقبال کیا