اسلام آباد (نیوزڈیسک)حکومت نے الطاف حسین کے فوج سے متعلق متنازع بیان پر قانونی کارروائی کا فیصلہ کرلیا، وزارت قانون نے رائے دی ہے کہ متحدہ کے قائد پر آرٹیکل 6 کے تحت مقدمہ نہیں بنتا۔نجی ٹی وی کے مطابق وفاقی حکومت نے متحدہ کے قائد الطاف حسین کیخلاف فوج سے متعلق اور مبینہ طور پر بھارتی خفیہ ایجنسی را سے مدد طلب کرنے کے متنازع بیان پر کارروائی کیلئے وزارت قانون سے غیر رسمی رائے طلب کرلی وزارت قانون نے حکومت کو رائے دی ہے کہ الطاف حسین کیخلاف آرٹیکل 6 کے تحت غدادی کا مقدمہ نہیں بنتا، صرف تعزیرات پاکستان کے تحت کارروائی کی جاسکتی ہے۔واضح رہے کہ ایس ایس پی ملیر راو ¿ انوار کی جانب سے پریس کانفرنس میں متحدہ قومی موومنٹ اور الطاف حسین سمیت دیگر رہنماو ¿ں پر را سے تعلق کا الزام لگایا گیاجس کا جواب دیتے ہوئے ایم کیو ایم کے قائد الطاف حسین نے کہا تھا کہ را ہماری مدد کر تو دے پھر دیکھیں گے کہ ظالم مرتا ہے یا مظلوم، وہ جوش جذبات میں یہ بھی کہہ گئے کہ پاک فوج نے بھارت کے سامنے 1971ئ میں ہتھیار ڈالے تھے، اگر کسی کی جان کو خطرہ ہو تو وہ جان بچانے کیلئے بھارت جاسکتا ہے۔