اسلام آباد(نیوز ڈیسک) پاکستان نے یمن سے شہریوں کے انخلاء کے مشن کے مکمل ہونے کا اعلان کر دیا ہے۔دفتر خارجہ کا کہنا ہے کہ یمن سے پاکستانیوں کے انخلاء کا مشن مکمل کرلیا گیا۔ترجمان دفتر خارجہ تسنیم اسلم کہتی ہیں کہ یمن کے متعدد ہوائی اڈے اس وقت ناقابل استعمال ہو چکے ہیں۔ میڈیا کو جاری کیے گئے بیان میں ترجمان دفتر خارجہ کا کہنا تھا کہ ناقابل ائر پورٹس کی وجہ سے پاک بحریہ کے جہازوں کے ذریعے پاکستانیوں کو نکالا گیا۔ان کا کہنا تھا کہ یمن سے 10 دنوں کے دوران اب تک 1019 پھنسے پاکستانیوں کو نکالا جا چکا ہے، پاکستانیوں کو 3 خصوصی پروازوں، 3 نیوی شپس اور ایک زمنی قافلے کے ذریعہ اومان کے راستے یمن سے نکالا گیا۔دفتر خارجہ کی ترجمان نے تصدیق کی کہ اب بھی ایک اندازے کے مطابق 150 پاکستانی یمن میں موجود ہیں۔

مزید پڑھئے:بھاری بھرکم خاتون اپنی غلیظ ترین حرکتوں سے ماہانہ لاکھوں روپے کما لیتی ہے

یمن میں موجود پاکستانیوں کے حوالے سے ان کا کہنا تھا کہ یہ وہ افراد تھے جو یمن میں ہی رکھنا چاہتے تھے۔انہوں نے بتایا کہ انخلاء کا مشن 7 اپریل کو تکمیل تک پہنچ چکا تھا اس کے بعد کسی بھی شخص کی یمن سے انخلاء کیلئے کسی پاکستانی کی رجسٹریشن موجود نہیں تھی۔تسنیم اسلم نے بتایا کہ یمن سے انخلاء4 کے مشن میں سعودی حکومت کی جانب سے نو فلائی زون کے حوالے سے خصوصی رعایت دی گئی جبکہ مقامی انتظامیہ نے زمینی راستوں کے حوالے سے تعاون کیا۔