اسلام آباد(نیوز ڈیسک)وفاقی وزیر اطلاعات و نشریات پرویز رشید نے کہا ہے کہ جوڈیشل کمیشن پر اثر انداز ہونے کے لیے پاکستان تحریک انصاف کے چیرمین عمران خان ناکام کوشش کر رہے ہیں،پارلیمنٹ کی تذلیل کسی صورت برداشت نہیں کی جائیگی ۔عمران خان کے پی کے کی صورتحال پر توجہ دیں ۔ان خیالات کا اظہار انہوں نے گزشتہ روز وزیراعظم ہاوس سے جاری ایک تحریری بیان میں کیا ۔پرویز رشید نے کہا کہ جوڈیشل کمیشن کی دستاویزات اب متعلقہ فورم پر چلی گئی ہیں اس سے متعلق بیانات نہیں آنے چائیں،عمران خان کے بیانات انکی دماغی حالات کی عکاس کر رہے ہیں۔جس اسمبلی کو جعلی کہتے ہیں اس میں خطاب کرنا تھوک کے چاٹنے کے مترادف ہے۔پرویز رشید نے کہا کہ غیر جمہوری طرز عمل پی ٹی آئی کا وطیرہ بن چکا ہے اور قوم حیرانی میں مبتلا ہے کہ عمران خان سوائے الزامات کے اور کچھ بولتے تک نہیں ہیں۔انہوں نے کہا کہ کے پی کی میں کرپشن کی بھر مار ہے عمران خان کو چائیے کہ وہاں توانائیاں صرف کر کے اپنی حکومت کو مثالی بنانے میں کردار ادار کریں۔الزامات کی ساست کا دور گزر چکا ہےاب صر ف قوم کے سامنے وہ لوگ سرخرو ہونگے جو مثالی کام کریں گے عمران خان ایسا کام کر دیں تاکہ آئیندہ الیکشن میں وہ اپنا چہرہ قوم کو دکھا سکیں۔