اسلام آباد (نیوز ڈیسک)وزیر اعظم میاں محمد نواز شریف نے یمن میں محصور پاکستانیوں کی پہلے مرحلے میں واپسی پر اطمینان کا اظہار کرتے ہوئے کہا ہے کہ باقی محصور پاکستانیوں کی بحفاظت واپسی کو یقینی بنایا جائے ۔منگل کے روز وزیر اعظم نواز شریف کی زیر صدارت اعلیٰ سطحی کا اجلاس ہوا جس میں وزیر دفاع خواجہ آصف ،وزیر خزانہ اسحاق ڈار ،طارق فاطمی ،مشیر خارجہ امور سرتاج عزیز ،سیکرٹری خارجہ اعزاز چوہدری اور دیگر حکام نے شرکت کی ۔اجلاس میں مشرق وسطی کی صورت حال ،سعودی عرب میں وفدبھیجنے ،یمن میں پھنسے پاکستانیوں اور چینی صدر کے دورہ پاکستان کے حوالے سے امور پر تبادلہ خیال کیا گیا ۔اجلاس میں وزیر اعظم کو دفتر خارجہ کے حکام نے یمن میں پھنسے ہوئے پاکستانیوں کی پہلے مرحلے میں بحفاظت واپسی پر بریفنگ دیتے ہوئے کہا کہ محصور پاکستانیوں نے ان کی واپسی پر حکومت پاکستان اور وزیر اعظم کے اقدامات کو سراہا ہے جبکہ دیگر پھنسے ہوئے پاکستانیوں کی بحفاظت واپسی کو یقینی بنانے کیلئے اقدامات کئے جارہے ہیں ۔وزیر اعظم نے یمن میں محصور پاکستانیوں کی پہلے مرحلے میں بحفاظت واپسی پر اطمینان کا اظہار کرتے ہوئے کہا کہ باقی بچ جانے والے پاکستانیوں کی بحفاظت واپسی یقینی بنائی جائے اور اس حوالے سے یمن میں پاکستانی سفارت خانہ پاکستانیوں کی مشکلات کے ازالے کے ہر ممکن اقدامات کرے ،اجلاس میںاعلی سطح کا وفد سعودی عرب بھیجنے کا فیصلہ کیا گیا ہے ۔وزیر دفاع خواجہ آصف کی سربراہی میں وزیر اعظم کے مشیر برائے خارجہ امور سرتاج عزیز اور عسکری حکام سعودی عرب جائیں گے جہاں وہ سعودی عرب کے حکام سے فوجی تعاون اور دیگر امور پر تبادلہ خیال کیا جائیگا،اجلاس میں فیصلہ کیا گیا ہے کہ وفد یمن کی صورت حال پر سعودی عرب کو زمین کی حدتک سکیورٹی مدد اور تمام وسائل جو ضرورت ہوں گے جیسے امور کا جائزہ لیں گے ۔
بچ جانیوالے محصور پاکستانیوں کی فوری واپسی یقینی بنائی جائے، وزیر اعظم کی ہدایت
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
پیٹرولیم مصنوعات کی قیمتوں میں کمی کا اعلان
-
لیگی ایم پی اے کا اداکارہ مومنہ اقبال کو ہراساں کرنے کا معاملہ! اصل کہانی سامنے آگئی
-
پنجاب میں گاڑیوں کی نمبر پلیٹس بارےحکومت کا بڑا فیصلہ
-
پاکستان میں شدید موسم کا خطرہ، این ڈی ایم اےنے متعدد الرٹس جاری کر دیے
-
اداکارہ مومنہ اقبال لیگی ایم پی اے ثاقب چدھڑ کی جانب سے ہراساں کرنے کے تمام ثبوت سامنے لے آئیں
-
عیدالاضحیٰ کی تعطیلات؛ بینک کتنے دن بند رہیں گے؟
-
برطانوی ریڈیو نے اچانک کنگ چارلس کی موت کا اعلان کردیا، ہلچل مچ گئی
-
ملک بھر میں سونےکی قیمت میں بڑا اضافہ
-
مسجد حملہ؛ ملزم کی والدہ نے ڈھائی گھنٹے پہلے پولیس کو آگاہ کردیا تھا؛ ہولناک حقائق
-
عمران خان کی کانسٹی ٹیوشن ٹاور میں کروڑوں روپے کی 2جائیدادیں نکل آئیں
-
لیسکو کی تمام ڈبل سورس کنکشن ایک ہفتے میں ہٹانے کی ہدایت
-
ایرانی پٹرولیم مصنوعات سے پاکستانی ریفائنریوں کو شدیدخطرات
-
یورپی ممالک جانے کے خواہشمند افراد کے لیے بڑی خبر آگئی
-
پی ٹی اے کی صارفین کو مفت بیلنس سیو سروس فعال کرنے کی ہدایت



















































