اسلام آباد ( نیوزڈیسک ) پاکستان نے آئرلینڈ کو ہرا دیا ۔کوارٹر فائنل میں مقابلہ آسٹریلیا سے ہوگا ۔ جو جمعہ کو صبح ساڑھے آٹھ بجے کھیلا جائے گا۔آئرلینڈ نے پہلے بیٹنگ کرتے ہوئے 237رنز سکور بنائے اور پاکستان کو 238رنز کا ہدف دیا۔جواب میں بلے بازوں کی ذمہ دارانہ بیٹنگ کی وجہ سے پاکستان نے مطلوبہ ہدف 3وکٹوں کے نقصان پر حاصل کر لیا۔ ، اوپنر سرفراز احمد اور احمد شہزاد کے درمیان پہلی وکٹ کیلئے 120 رنز کی شراکت نے پاکستان کی مضبوط بنیاد رکھی ، ، حمد شہزاد 63 رنز بنا کر آﺅٹ ہوئے ، حارث سہیل بیٹنگ میں ناکام رہے اور صرف 3 رنز بنا کر رن آﺅٹ ہوگئے ،مصباح الحق 39 رنز بنا کر ہٹ وکٹ ہوئے ۔سرفراز احمد نے شاندار بلے بازی کی اور اپنی سنچری سکور کی ۔اس سے قبل پاکستان کی جانب سے وہاب ریاض نے تین، سہیل خان اور راحت علی نے دو دو اور احسان عادل اور حارث سہیل نے ایک ایک وکٹ حاصل کی۔پاکستان کو پہلی کامیابی احسان عادل نے دلوائی جب انھوں نے سٹرلنگ کوایل بی ڈبلیو کردیا۔ سٹرلنگ نے امپایر کے فیصلے کے خلاف ریویو لینے کے لیے پورٹرفیلڈ سے مشورہ کیا جنھوں نے ان کو ایسا کرنے سے منچ کردیا۔پاکستان کو دوسری وکٹ 56 کے مجموعی سکور پر اس وقت ملی جب جوائس کو وہاب ریاض نے آو¿ٹ کیا۔ جوائس نے 11 رنز سکور کیے۔آئرلینڈ کی کی تیسری وکٹ 86 کے مجموعی سکور پر گری جب نائل او برائن 12 رنز بنا کر راحت لی کی گیند پر عمر اکمل کے ہاتھوں آو¿ٹ ہوئے۔پاکستان کو چوتھی کامیابی 134 کے مجموعی سکور پر ملی جب بیلبرنی 36 گیندوں میں 18 رنز بنا کر آو¿ٹ ہوئے۔ ان کا کیچ شاہد آفریدی نے حارث سہیل کی گیند پر پکڑا۔شاہد آفریدی نے سہیل خان کی گیند ایک شاندار کیچ پکڑ کر کپتان پوٹرفیلڈ کو آوٹ کیا۔ پورٹر فیلڈ نے 131 گیندوں میں 11 چوکوں اور ایک چھکے کی مدد سے 107 رنز سکور کیے۔آئرلینڈ کے آو¿ٹ ہونے والے چھٹے کھلاڑی گیری ولسن تھے جنھوں نے 38 گیندوں میں 20 رنز بنائے۔ وہ سہیل خان کی گیند پر وہاب ریاض کے ہاتھوں کیچ ہوئے۔احسان عادل نے چوتھے اوور ہی میں سٹرلنگ کو ایل بی ڈبلیو کیاراحت علی نے اپنی دوسری وکٹ سٹیورٹ تھامسن کوآو¿ٹ کر کے لی۔ تھامسن نے 15 گیندوں میں 12 رنز بنائے اور ان کا کیچ عمر اکمل نے پکڑا۔آئرلینڈ کے کیون او برائن صرف آٹھ رنز بنا سکے اور وہاب ریاض کی گیند پر صہیب مقصود کے ہاتھوں آو¿ٹ ہوئے۔وہاب ریاض نے اپنی تیسری وکٹ مونی کو آو¿ٹ کر کے لی۔ مونی 13 رنز بنا کر آو¿ٹ ہوئے۔ڈاکرل آخری گیند پر 11 رنز بنا کر رن آو¿ٹ ہوئے۔پاکستان کی ٹیم میں تین تبدیلیاں کی گئی ہیں۔ محمد عرفان انجری کے باعث نہیں کھیل رہے اور ان کی جگہ احسان عادل کو ٹیم میں شامل کیا گیا ہے۔احسان عادل اب تک اس عالمی کپ میں کوئی میچ نہیں کھیلے ہیں۔دوسری جانب تجربہ کار بیٹسمین یونس خان کو ڈراپ کر کے حارث سہیل کو ٹیم میں شامل کیا گیا۔