ممبئی (این این آئی)بھارتی ریاست مہاراشٹر میں پولیس نے ایک بڑے جنسی استحصال اسکینڈل میں ملوث ملزم کو گرفتار کر لیا۔

بھارتی میڈیا کے مطابق ملزم پر الزام ہے کہ اس نے کم از کم 180 کم عمر لڑکیوں کو محبت کے جال میں پھنسا کر ان کا جنسی استحصال کیا۔پولیس کے مطابق ملزم لڑکیوں کو ممبئی اور پونے لے جا کر ان کی نازیبا ویڈیوز بناتا تھا، اب تک 350 سے زائد ویڈیوز بنانے کا انکشاف ہوا ہے۔ملزم کی جانب سے ان ویڈیوز کو بعد میں بلیک میلنگ اور جسم فروشی پر مجبور کرنے کے لیے استعمال کیا گیا، بعض ویڈیوز سوشل میڈیا پر بھی وائرل کی گئیں۔بھارتی میڈیا کی رپورٹ کے مطابق یہ معاملہ اس وقت سامنے آیا جب راجیہ سبھا کے رکن انیل بوندے نے پولیس کو شکایت دی، انہوں نے فوری کارروائی کا مطالبہ کرتے ہوئے اسپیشل انویسٹیگیشن ٹیم بنانے کی بھی درخواست کی۔تحقیقات کے دوران یہ بات بھی سامنے آئی کہ ملزم واٹس ایپ اور اسنیپ چیٹ گروپس کے ذریعے لڑکیوں کو نشانہ بناتا تھا۔پولیس نے ملزم کا موبائل فون ضبط کر لیا ہے

جس میں سے متعدد قابلِ اعتراض ویڈیوز برآمد کی گئی ہیں۔پولیس اب یہ جاننے کی کوشش کر رہی ہے کہ آیا یہ ویڈیوز کسی منظم مجرمانہ نیٹ ورک کے ساتھ بھی شیئر کی گئی ہیں یا ملزم نے متاثرہ لڑکیوں کو بلیک کرنے کی غرض سے ریکارڈ کی تھیں۔سائبر سیل کی مدد سے آن لائن پھیلائی گئی ویڈیوز کا بھی جائزہ لیا جا رہا ہے۔