دبئی(این این آئی)مصوری کرنے والی دنیا کی واحد بھیڑ کو اغوا کر لیا گیا، بھیڑ کو واپس لانے والے کے لیے 50 ہزار پائونڈ انعام کا اعلان کیا گیا ہے۔غیر ملکی میڈیا رپورٹ کے مطابق بانکسے نامی پینٹنگ کرنے والی بھیڑ کو جنوبی افریقا میں آرٹ اسٹوڈیو سے اغوا کیا گیا ۔

بھیڑ کی پریشان مالکن نے بھیڑ کو واپس لانے والے شخص کے لیے 50 ہزار پائونڈ (60 ہزار سے زائد امریکی ڈالرز)کے انعام کا اعلان کیا ہے۔بھیڑ کی مالکن نے بھیز بانکسے کو منہ سے برش پکڑ کر مصوری کرنا سکھایا تھا، اس کی ایک پینٹنگ تقریبا ساڑھے 3 ہزار پانڈ تک میں فروخت ہوتی ہے۔بھیڑ کو رات گئے 8 بھیڑوں کے ریوڑ سے اغوا کیا گیا ہے۔ممکنہ طور پر بھیڑ کو اس کی پینٹنگ کرنے کی منفرد صلاحیت کے سبب اغوا کیا گیا ہے۔