سنگاپور(این این آئی ) ہوائی سفر میں عام طور پر پالتو جانوروں کو سخت مشکلات کا سامنا کرنا پڑتا ہے، لیکن ایک خوش نصیب ڈالمیٹین کتا بزنس کلاس میں لگژری فلائٹ انجوائے کر کے سوشل میڈیا پر مقبول ہوگیا۔
میڈیارپورٹس کے مطابق چار سالہ ڈالمیٹین کتے، جس کا نام اسپاٹی ہے، اس نے اپنے مالک کے ساتھ سنگاپور ایئرلائنز کی بزنس کلاس میں سنگاپور سے ٹوکیو تک 5.5 گھنٹے کا پرتعیش سفر کیا۔اس کی ویڈیو وائرل ہو گئی، جس میں اسے ایئرپورٹ لانج میں آرام کرتے، بزنس کلاس سیٹ پر بیٹھے، فلم دیکھتے اور حتی کہ سوتے ہوئے بھی دیکھا جا سکتا ہے۔اس سفر کے دوران نہ تو اسپاٹی نے کسی قسم کی بیچینی ظاہر کی اور نہ ہی کوئی باتھ روم بریک لی، جس پر سوشل میڈیا صارفین حیران رہ گئے۔
