نئی دہلی (این این آئی )بھارت میں ایک شادی کی تقریب میں دلہے کی آمد پر دلہن والوں نے شاہانہ استقبال کرتے ہوئے نوٹوں کی برسات کردی۔بھارتی میڈیا کے مطابق ریاست اتردیش کے علاقے سدھارت نگر میں ہونے والی ایک شادی کی ویڈیو سوشل میڈیا پر وائرل ہو رہی جس میں بارات کی آمد پر دلہے کے استقبال کے لیے 20 لاکھ بھارتی روپے لٹائے گئے۔
سوشل میڈیا پر وائرل ہونے والی ویڈیو میں دیکھا جا سکتا ہے کہ بارات کی آمد پر کچھ لوگ عمارت پر کھڑے ہو کر دلہے پر نوٹوں کی برسات کر رہے ہیں۔دلہے پر نوٹوں کی برسات کرنے والے افراد کو تعلق دلہے سے بتایا جا رہا ہے، عمارت پر کھڑے افراد نے 100، 200 اور 500 روپے کے بھارتی کرنسی نوٹ ٹافیوں کی طرح ہوا میں اڑائے اور گائوں والوں کی بڑی تعداد نے پیسے لوٹے۔
