تل ابیب(این این آئی)اسرائیلی وزیر اعظم نیتن یاہو نے نومنتخب امریکی صدر ڈونلڈ ٹرمپ کو ٹیلی فونک رابطے کے دوران انتخابات میں کامیابی حاصل کرنے پر مبارکباد پیش کی ہے۔اسرائیلی وزیر اعظم آفس سے جاری بیان کے مطابق بدھ کو اسرائیلی وزیر اعظم نیتن یاہو نے ڈونلڈ ٹرمپ سے ٹیلی فونک رابطہ کیا اور انہیں انتخابات جیتنے پر مبارکباد پیش کی ہے۔دونوں رہنماؤں کے درمیان بات چیت خوشگوار رہی۔بیان کے مطابق دونوں نے ایرانی خطرے اور اسرائیل کی سلامتی کیلئے مل کر کام کرنے کی ضرورت پر تبادلہ خیال کیا۔