واشنگٹن (این این آئی)امریکا میں میک ڈونلڈز کے مضر صحت کوارٹر پاونڈر ہیمبرگر کھانے سے درجنوں افراد کی صحت خطرے میں پڑ گئی جس کی وجہ مہلک وائرس ای کولی بتائی جا رہی ہے۔خیال رہے میک ڈونلڈز کے کوارٹر پاونڈر ہیمبرگر سے ای کولی وائرس پھیلنے کے سبب 20 فیصد آٹ لیٹس پر سپلائی روک دی گئی تھی۔

اب اس میں معاملے میں نئی پیش رفت سامنے آئی ہے۔ میک ڈونلڈز فوڈ چین کے آفیشلز کی جانب سے اس حوالے سے اہم انکشاف کیا گیا ہے۔میڈیا رپورٹس کے مطابق فوڈ چین حکام نے انکشاف کیا ہے کہ کیلیفورنیا میں واقع ایک پروڈکشن کمپنی نے پیاز میک ڈونلڈز کو سپلائی کی تھیں جن کے ذریعے ای کولی وائرس لوگوں میں منتقل ہوگیا۔

رپورٹ میں بتایا گیا کہ میک ڈونلڈز سمیت کے ایف سی، پیزا ہٹ، برگرکنگ نامی فوڈ چین نے عارضی طور پر پیاز کو اپنے تمام مینیوز سے ہٹا دیا ہے۔رپورٹ میں مزید بتایا گیا کہ امریکا کی 10 ریاستوں میں سے کم از کم 49 افراد بیمار ہو چکے ہیں جبکہ ایک شخص برگر کھانے کے بعد ای کولی وائرس کا شکار ہو کر موت کا شکار ہوگیا۔ طبی ماہرین نے تشویش کا اظہار کرتے ہوئے بتایا کہ کوارٹر پاونڈر ہیمبرگر میں موجود پیاز انفیکشن کی وجہ ہو سکتی ہے۔