تل ابیب (این این آئی)ایران کی طرف سے اسرائیل پر بیلسٹک میزائلوں کے حملے کے چند گھنٹے بعد اسرائیلی چیف آف اسٹاف جنرل ہرزی ہیلیوی نے سلامتی کی صورتحال کے جائزے کے اختتام پر ایران کو دھمکی آمیز انداز میں کہا ہے کہ اسرائیل ایران کے حملے کا جواب دے گا اور اس کے لیے وقت کا تعین کیا جائے گا، ایران کو اس حملے کی بھاری قیمت چکانا ہو گی۔
میڈیارپورٹس کے مطابق انہوں نے مزید کہا کہ اسرائیل نے بہت طاقتور فضائی دفاعی نظام کے ساتھ دشمن کیتمام حملوں کو ناکام کی اپنی صلاحیت ثابت کی۔انہوں نے کہا کہ اس بات کا انتخاب ہم کریں گے کہ اب ایران کو کیا قیمت چکانا ہو گی۔ ہم سیاسی قیادت کی ہدایت کے مطابق اپنی درست اور اچانک حملہ کرنے کی صلاحیت کا مظاہرہ کریں گے۔
