واشنگٹن(این این آئی)امریکا کی 5 ریاستوں میں سمندری طوفان ہیلن کے باعث تیز ہواں اور بارشوں کے باعث پیش آنے والے حادثات میں 90 افراد جاں بحق ہوگئے۔امریکی ٹی وی کے مطابق امریکی ریاست فلوریڈا، جارجیا، ورجینیا، ساتھ اورنارتھ کیرولائنا میں طوفان کے باعث کئی سڑکیں اور پل تباہ جبکہ لاکھوں صارفین بجلی سے محروم ہوگئے۔

امریکی نے مزید ہلاکتوں کا خدشہ ظاہر کرتے ہوئے بتایا کہ تیز ہوائوں اور بارشوں سے پیش آنے والے حادثات میں اب تک 90 افراد جانیں گنوا چکے ہیں۔حکام کے مطابق طوفانی ہوائوں کے باعث کئی علاقوں میں سیل فون ٹاور گر گئے، مواصلاتی نظام متاثر ہونے سے لوگوں کا اپنے پیاروں سے رابطہ منقطع ہو گیا ہے۔حکام کا کہنا تھا کہ طوفان سے پانچوں ریاستوں میں اب تک ہونے والے نقصان کا تخمینہ 15 سے 100 بلین ڈالرز کے درمیان ہو سکتا ہے، متاثرہ علاقوں میں امدادی سرگرمیاں شروع کردی گئیں جبکہ مواصلاتی نظام کی بحالی کا کام بھی جاری ہے۔