مقبوضہ بیت المقدس(این این آئی)غزہ میں فضا سے گرائی جانے والی امداد سے مزید 18فلسطینی شہید ہوگئے۔غیرملکی میڈیاکے مطابق غزہ کے شمالی ساحلی علاقے میں فضا سے گرائی جانے والی امداد کا کچھ حصہ سمندر اورکچھ خشکی پر گرا۔
بحیرہ روم میں گرنے والے امدادی پیکٹ لینے کیلئے سمندر میں کودنے والے 12فلسطینی شہید ہوگئے۔دوسری جانب خشکی میں گرے امدادی سامان کو لینے کیلئے بھگدڑ مچنے سے 6فلسطینی شہید ہوئے۔میڈیاکے مطابق شمالی غزہ میں بدترین فاقہ کشی کی صورتحال ہے،قحط جیسی صورتحال میں فضا سے امداد گرانا بدسلوکی اور فضول ہے۔
