ابوظہبی(این این آئی)متحدہ عرب امارات میں عیدالفطر کے موقع پر 6 دن کی چھٹیوں کا امکان ہے۔عرب میڈیا کے مطابق متحدہ عرب امارات میں رمضان المبارک کا آغاز (12 مارچ)منگل سے ہونے کا امکان ہے اور توقع ہے کہ رمضان کا مہینہ پورے 30 دن کا ہوگا۔عرب میڈیا کے مطابق اس ممکنہ صورت میں متحدہ عرب امارات میں عید الفطر کے موقع پر ملازمین کو 6 چھٹیاں مل جائیں گی۔اگر ماہِ رمضان 30 دنوں پر مشتمل ہوگا تو 30 رمضان 10 اپریل کو ہوگا اور متحدہ عرب امارات کی حکومت کی جانب سے سرکاری اور نجی شعبوں کے لیے عید الفطر منانے کی تعطیلات کا اعلان 29 رمضان سے 3 شوال تک کیا گیا ہے۔

اگر ممکنہ صورتحال کی ہی بات کی جائے تو سرکاری چھٹیوں کا اختتام 13 اپریل (ہفتے) کو ہوگا اور اگلے دن اتوار ہے، یوں اس طرح ملازمین کو 6 چھٹیاں مل جائیں گی۔رپورٹس کے مطابق متحدہ عرب امارات میں رمضان المبارک کا چاند دیکھنے کے لیے اجلاس 10 مارچ کو ہونے کا امکان ہے اور اگر اس دن چاند نظر آگیا تو پہلا روزہ 11 مارچ کو ہوگا تاہم چاند نظر نہ آنے کی صورت میں یقینی طور پر رمضان المبارک کا آغاز 12 مارچ کو ہوگا۔علاوہ ازیں دبئی میں روزے کا دورانیہ ماہِ رمضان کے آغاز میں تقریبا 13 گھنٹے 45 منٹ ہوگا جو اختتام تک تقریبا 14 گھنٹے 25 منٹ تک بڑھ جائے گا۔