ریاض (این این آئی)سعودی حکومت نے سعودی عرب آنے والوں کے لیے نئی ٹریول ایڈوائزی جاری کردی ہے۔سعودی حکام کے مطابق نئی ٹریول ایڈوائزی کے تحت سعودیہ آنے والے مسافروں کے پاسپورٹ کی میعاد کم از کم 6 ماہ ہونا لازمی قرار دیا گیا ہے۔

ذرائع کے مطابق فیصلے کا اطلاق وزٹ ویزہ، بزنس ویزہ، ٹورٹس ویزہ سمیت تمام اقسام کے ویزوں پر ہوگا۔سعوی ایوی ایشن کی جانب سے تمام ایئر لائنز کو اس سلسلے میں ہدایت نامہ جاری کردیا گیا ہے۔ سعوی ایوی ایشن نے یہ بھی ہدایت کی ہے کہ 6 ماہ سے کم مدت والے پاسپورٹ کے حامل مسافر کی بورڈنگ نہ دی جائے۔ ایئرلائنز انتظامیہ نے ٹریول ایجنسیوں کو بھی اس سلسلے میں آگاہ کردیا ہے۔