ریاض(این این آئی)سعودی وزارتِ حج و عمرہ نے کہاہے کہ رواں سال عمرہ زائرین کی تعداد 1 کروڑ 35 لاکھ 50 ہزار تک پہنچ گئی۔غیرملکی میڈیا کے مطابق گزشتہ روز بین الاقوامی حج و عمرہ کانفرنس میں 80 سے زیادہ ملکوں کے وزرا اور عہدیدار شریک ہوئے،اس موقع پر سعودی وزارتِ حج و عمرہ کے حکام نے بتایاکہ تمام شریک ممالک کے ساتھ حج انتظامات سے متعلق معاہدے ہوگئے ہیں، حج 2024 میں 35 سے زیادہ کمپنیاں زائرین کی خدمت کریں گی۔
ان کا کہنا تھاکہ اس سال عمرہ زائرین کی تعداد 1 کروڑ 35 لاکھ 50 ہزار تک پہنچ گئی۔ یہ عمرہ زائرین کی اب تک کی سب سے بڑی تعداد ہے۔واضح رہے کہ سعودی وزارت حج کے زیر انتظام بین الاقوامی حج وعمرہ کانفرنس، نمائش پیر 8 جنوری سے جدہ کے سپرڈوم میں شروع ہو گئی ہے جو 11 جنوری تک جاری رہے گی۔
