دبئی(این این آئی)دبئی میں ڈرائیونگ لائسنس ٹیسٹ دینے والوں کے نئے ایک نئی سہولت متعارف کروائی گئی ہے۔میڈیارپورٹس کے مطابق روڈ ٹرانسپورٹ اتھارٹی (آر ٹی اے)دبئی کی جانب سے جاری کیے جانے والے ایک بیان میں کہا گیا کہ اب ڈرائیونگ ٹیسٹ دینے کے لیے واٹس اپ کے ذریعے اپائنٹمنٹ حاصل کی جاسکتی ہے۔آر ٹی اے کے مطابق ٹیسٹ کے لیے اپائنٹمنٹ کی سہولت انگلش اورعربی دونوں زبانوں میں فراہم کی گئی ہے۔اتھارٹی کی جانب سے واٹس ایپ پیغام کے لییایک نمبربھی جاری کیا گیا ہے۔
یہ سروس دبئی روڈ ٹرانسپورٹ اتھارٹی کے خصوصی نمبر پرمحبوب چیٹ بوٹپردستیاب ہے۔روڈ ٹرانسپورٹ اتھارٹی نے خواہمشندوں کو یہ نوید بھی سنائی ہے کہ ڈرائیونگ ٹیسٹ دینے والے افراد اپائنٹمنٹ حاصل کرنے کے علاوہ اسیری شیڈول بھی کرسکتے ہیں۔آرٹی اے کارپوریٹ ٹینکیکل سپورٹ سروس سیکٹر میں سمارٹ سروسز ڈیپارٹمنٹ کی ڈائریکٹر کا کہنا ہے کہ واٹس اپ کے ذریعے اپائنٹمنٹ کیلئے صارف کاموبائل فون نمبر اوررجسٹرڈ معلومات پہلے سے تصدیق شدہ ہوتی ہیں اس لیے اسے ہماری ویب سائٹ پر جانے کی ضرورت نہیں ہوتی۔یہ سہولت اتھارٹی کی مختلف ڈیجیٹل پلیٹ فارم کے ذریعے خدمات کی فراہمی کی حکمت عملی کے تحت ہے جس کا مقصد اس بات کو یقینی بناتا ہے کہ صارفین تیزترمحفوظ طریقے سے خدمات تک رسائی حاصل کرسکیں۔
